El-Metin

Ndër emrat e bukur të Allahut është edhe emri El-Metin - I Pathyeshmi, Fuqiploti, Ai që nuk mund të mposhtet, që është i Gjithëfuqishëm, që në veprimet e Tij nuk ndien lodhje.

Ky emër i Allahut është përmendur një herë në Kur’an, në ajetin:

إِنَّ ٱللَّهَ هُوَ ٱلرَّزَّاقُ ذُو ٱلْقُوَّةِ ٱلْمَتِينُ“Allahu është Furnizues i madh, është posedues i fuqisë së pathyeshme”. (Dharijat: 58)

Kuptimi i emrit el-metin sa i përket lartmadhërisë së Allahut xh.sh.

Taberiu në komentin e ajetit:إِنَّ ٱللَّهَ هُوَ ٱلرَّزَّاقُ ذُو ٱلْقُوَّةِ ٱلْمَتِينُ “Allahu është Furnizues i madh, është posedues i fuqisë së pathyeshme” (Dharijat: 58), ka thënë: “Dhul El-Kuvveti El-Metin, Posedues i fuqisë së pathyeshme”.

Hatabi ka thënë: “El-Metin, i Forti, i Pathyeshmi, të cilit nuk i shkëputet forca e Tij dhe nuk ndien në veprimet e Tij lodhje e as nuk e kaplon ligështimi”.

El-Halimij ka thënë: “Dhul El-Kuvveti El-Metin, Ai që fuqia e Tij nuk pakësohet, nuk dobësohet e nuk lodhet”.

Gazaliu ka thënë: “El-Kavijj, El-Metin, forca e Tij tregon për fuqinë e plotë që ka. El-metin ka për qëllim forcën e madhe, shumë të fortë, domethënë që Allahu xh.sh. është skajshmërisht i fuqishëm, shumë i fortë, i pathyeshëm në fuqi”.

Kurtubiu ka thënë: “Thuhet seوَلَقَدْ خَلَقْنَا ٱلسَّمَٰوَٰتِ وَٱلْأَرْضَ وَمَا بَيْنَهُمَا فِى سِتَّةِ أَيَّامٍ وَمَا مَسَّنَا مِن لُّغُوبٍ El-Metin është Ai që nuk e kaplon lodhja dhe argumenti për këtë është fjala e Allahut: “Ne i kemi krijuar qiejt, tokën dhe çdo gjë që gjendet midis tyre për gjashtë ditë, pa ndierë lodhje aspak” (Kaf: 38).

Nga frytet e besimit në këtë emër të Allahut xh.sh.

Ne nuk mund të bëjmë asnjë lëvizje të vogël apo të madhe, ashtu sikurse nuk mund të bëjmë ndonjë të mirë apo të shmangim ndonjë të keqe vetëm se me lejen dhe vullnetin e Allahut, pasi jeta e njeriut është në dorën e Allahut dhe brenda fuqisë së Tij, vullnetit të Tij, subhanehu ve teala

Ajo që u tha për emrin El-Kavijj, i Forti, mund të thuhet edhe për këtë emër, pa qenë nevoja ta përsërisim.